往時生日都只希望係屋企食餐住家飯，舊年起人家就照同我出街食，今年截佢唔切，結果都係出街食。
台灣女生見MENU得晚餐，忍唔住問“係咪有個SUNSET MENU？”侍仔見我哋嘅17：30枱，又問到出口，結果我哋成功落到個平餐。龍蝦湯，味唔算濃厚，但叫做有魚，蝦，蜆同青口吊味及填肚。
龍蝦意大利燉飯配黑松露及蘆荀，味道無咩驚喜。早食既好處係可以睇黃昏日落，見證magic moment。
澳洲肉眼牛扒配炒西蘭花伴紅酒汁。
望住天色變化既維港景，兩口子既話題都離不開幸男既塑造及發展方向。
人大咗，面對生日既感覺係以回憶去應援自己，去面向不確定既未來，尤其係身處"新香港"。
食完早飯，有時間行吓商場，見到呢隻幾得意既貓公仔。上官網search至知係1999年既英國品牌，以"We re home to the softest stuffed toys"自居。人家覺得幸男會鍾意，經signal確定後，乖乖課金。
人番到屋企，懶搭相機作合照，生硬笑配合家庭合照。室內之下，智能電話既成像點都係唔及相機，只勝在夠wide~
幸男準備咗禮物俾早佢一兩日生日既父母，一如幸男所講，媽媽會鍾意多過爸爸。
PS:合照時拎件恤衫嚟遮住件毒tee
