雖然唔知係咪聖誕晚餐堅滿座，但要就幸男要溫書兼想宅係屋企睇電視，所以我奉命跨區外賣。人家係網上見位於荃灣既VISION 8既西餐好似唔錯，所以我就跟住導航，用半個鐘去攞外賣。
泊正係舖位隔離，行入去見都只係得一枱吉枱。被問"係咩平台0架?"，我答:"自取"。
原本人家話可以網上訂兼有司機送貨，但落單時發現無咗呢個選項，所以我帶埋個保溫袋出去，啱啱好可以塞晒3主食兼3餐湯落seat位下既收納格。
回程時見到有真.外賣車手，忍唔住要係業餘視角影低呢個有趣既畫面。
半個鐘番到屋企，人家見只得幸男個主食黑椒汁，無咗我同佢既紅酒汁。人家打去舖頭問，原來黑松露威靈頓牛係無配醬汁(但落單又有得揀)，只係俾漏咗人家果份蘋果木燒西班牙黑毛豬鞍扒既紅酒汁。由於太肚餓，當我影自己果份時，幸男已𡁻緊佢份慢煮安格斯配半隻龍蝦尾。味道唔錯，唔太重味得嚟，外皮亦酥脆。最驚喜既係配菜-Gratin Dauphinois，8月去法國旅行試到既味道。
PS:早兩日收到老豆既短訊，話電話叉電壞左，叫我帶個新既上院舍。晏晝買埋下午茶上去，原來只係電線壞，好在有聽人家講帶埋條線。精神好咗，但依舊無主動講自己，只會聽訪客既生活滙報。
