MF GHOST第二季既蘆之湖GT非常精彩，雨天濕地收窄主角車GT86與對手馬力上既不足，贏得第四名兼7.5分，總排名第5持12.5分。2500萬円既奬金用嚟TURBO化改裝，今晚同幸男一齊煲埋剩餘既2集。
難得排位賽取得第三位置起步，但因為要營救掉落路軌既恋而受傷，令左手無法如常轉波。起步後只可以一波直上三波作應對，位置一直下跌。
陷入苦戰，我同幸男都為片桐夏向擔心。
無諗到片尾曲之後，有下一季既預告彩蛋，男主角竟然話“今までボクを抜いていった車たちをすべて抜き返さなきゃ”。真係好想第三季快啲出，但照第一同第二季既相隔，睇嚟都係2026年至有。
PS:我覺得死亡白色區域既火山灰路段，係向前作INITIAL D尾段箱根戰作致敬。可能高橋涼介親自落場同師兄對決既懷勉，兼睇中其路段之可塑性，繼而孕育出MF GHOST比賽既概念。
