年初三食好啲

是日赤口，本身都無人家訪，台灣女生帶我哋去黃埔食爐端燒。

前同同事嚟食過，人家話一定要試下燒河豚肉。

今年幸男無話去AIA嘉年華會，出嚟食餐飯，擺脫連日既糕點陰霾……

剌身就得一份，其他燒物就任嗌，當然睇下閣下揀既係乜餐。

無以前咁食得，好在呢度既質絕對補償得到。

惠比壽生啤，前後飲咗2杯(套餐唔包)。

擺拍幸男枱上有啤酒杯，其實兩母子飲套餐包既特飲已爾。

最有戰鬥力既係人家，臨尾嗌咗份炸年糕。

人家揀咗甜品-菠蘿雪葩，幸男見賣相唔錯，結果自己都嗌一個。