絶対無敵(獅人鳳)ライジンオー

係相熟玩具網站，見到Toyrise系列既獅人鳳灰模展示，呢隻會係我今年必入手既收藏之一。外觀比元祖作品多咗唔少現代感細節，但又未至於魔改。

當年中二既我，每日都開定電視機等住睇。神秘生命體，將保衛地球既重任交託俾一班小學生。學校變成機體格納庫，課室變成後勤司令室。由於係小學生為題，順利成章地加入唔少搞笑情節。

PS：膽大黨都有向呢齣動畫作致敬。