如果唔係屯宿之男約係大角咀食晚飯，我都好耐無嚟大角咀。以前會騎BURGMAN 150去安定車行，自從換咗SKYWAVE 250 SS就無再兜嚟呢頭。華B係whatsapp group打"猶哥入嚟啦, 企門口做乜"，突然諗起阿強既相熟對白-"點呀波哥"。當時我以為我係最早，故係門口等埋多一個至入去。
適逢阿禮今日會落嚟，所以今晚張合照夠晒人氣。中佬們既近況，健康，計劃......見大家都安好，就已感恩。環境變咗好多，無分彼此既背靠背情義不變。
PS:不得不承認，近期身心疲憊既感覺揮之不去.....
