幸男唔出街留家溫書，我提議同台灣女生去置樂既吉氏食晚飯，番嚟至翻熱雪櫃廚餘俾埋男。晏晝打去留枱，傍晚拎埋支細紅酒出發，計埋我哋有四枱客。
每人兩隻法國生蠔，人家話自從AEON無生蠔賣就少食咗。
堂食當然係揀外賣唔到既菜式，他他牛絶對係代表。
主菜揀西班牙烤乳豬，連鎖西餐廳無既菜式，吉氏有。
薯仔麵團配黑松露野菌忌廉汁，當係PASTA類~
原本想嗌TIRAMISU，但賣晒。好在個檸檬撻都唔錯，人家話伴碟既脆脆，似以前興過既天使蛋糕。佢唔講我都唔記起天使蛋糕係咩樣，時代既眼淚.....
人家一早就柯打定梳乎利甜品，方便臨尾上菜。
PS:傍晚騎愛駒去綠在屯門做回收，再兜去嘉耀屋企樓下交收。有借口可以出車，為無動力既我添加腎上腺素。
