黃金日光浴

晏晝好趕咁約夠腳一齊去黃金海岸沙灘晒太陽,雖然人數比開初招生既預計少,但總算成團.今日係星期日兼且係暑假最後一日,所以沙灘都好多人,不過都俾我地佔領咗個有利位置.

同外母,台灣女生係稻香飲完茶,就趕去新墟買嘢準備(仲有個半鐘就係約定既三點),搞到要的士番屋企又搭的士去沙灘.

帶咗個膠桶,加水加冰黎雪住啲酒水,,大家都話正!我仲攞埋屋企支紅酒黎一齊飲,晒太陽,吹海風,食薯片,嘆紅酒,望風景, 一切都太美好了..........

本人就好鐘意同朋友仔去沙灘,一黎可以rela吓,二黎又可以聯誼.平時各有各忙,少機會坐底傾吓聚吓,黎緊放大假,睇吓搞唔搞得成係我屋企打wii兼大食會先~

楝哥五點多啲就走先,趕去尖沙咀做gym,我地就留到六點至走,不過就排咗幾耐隊至有得沖涼.之後我地去andrew介紹隔離既海景餐廳飲杯黑啤,估唔到侍仔阿叔咁有個性,能操流利"熱血"語言~

今個夏天總算去得成沙灘,上次就俾颱風鸚鵡前夕既壞天氣搞到取消.