今晚同台灣女生係巴倫紐睇"我的機械人女友",我就為咗綾瀨遙而入場,而人家就為咗我的野蠻女友既導演入場~~
以愛情攪笑既情節,大家當然睇得投入,但故事涉及時空問題,卻有啲牽強.如果有一個未來既女仔因為一對已故情侣既故事而欣賞及愛上男仔,從而回到過去同該男仔一齊生活,又好似有啲怪怪地,因為始終段回憶唔係自己既,兼且實際只係同男主角相處一晚.某程度黎講,會唔會只係做別人既代替品呢?如果話女主角既思想俾女機械人融合咗既話,又真係有啲得人驚喔~~~~
對綾瀨遙"突出"既演出,我當然非常受落啦,而人家就好享受戲中好多經典韓劇韓片既情節.感人既生離死別情節,特技都做得唔錯,唔會好假咁~
ps:係我等台灣女生時,係老麥見到幾個十來歲既男仔,竟然有打war
game既裝備,而家既小朋友真係幸福...............
