老爺飯局+驅貓結界

 夜晚同台灣女生一齊出市中心同老豆食飯,當預祝父親節,因為唔知到時佢老人家可唔可以擺脫"監察網"出黎.

好耐都無食過片皮鴨,難得老豆幫手一齊食嘛~成枱都係餸,大家都食得好飽.最終個片皮鴨有剩,要打包走.希望老豆身體健康,多啲笑容.

PS:為咗驅趕夜晚係愛羊借宿既流浪貓,特意買咗啲障礙物黎佈防.每次掀開布冚,見到腳踏位,中軸外殼同布冚有貓毛,貓腳印,皮脂分泌污積,都覺得好討厭同麻煩.

之前傑傑話可以係寵物屋買啲驅趕貓狗既氣味劑黎噴吓個布冚,但當我問寵物屋時,阿姐話用啲有刺針既膠地顫會較好.呢幾日黎,都唔見有不速之客係愛羊投宿,睇黎真係有效,不過就多重功夫........