九號風球後

臨放工轉三號波,落輕鐵行番屋企時,見四周都係颱風後既痕跡,水馬被吹倒,飛出好幾個身位.

地上大量被吹斷既樹枝樹葉,行過都聞到青綠既氣味.

本來為工程車遮蔭既樹木,但而家就壓住佢~其實每次打風都好怕愛羊受損或被吹倒,所以每當將掛八號風球,我,就會為愛羊前後轆上小型水馬.

之前試過打風時,晚上總係訓唔著,久唔久出去客廳望吓羊仔同出面既風雨.今次番夜班都好,因為忙住做嘢,唔洗成晚係屋企心掛掛,幸好番到屋企見愛羊安好.