大假last day

晏晝同台灣女生騎羊去元朗new york cafe食晏,兩個都係叫6oz牛柳,好好食,忌廉湯仍舊甜滑,大家都食到好飽(尤其係我飲咗杯有cream鋪頂既凍朱古力).

由於太飽,所以夜晚個餐都"吞"後咗,騎羊到青山灣既大排檔,無諗過會坐滿人咁滯(星期日兼且我地近八點至到).

雖然要成10蚊一両,但我哋都叫咗印度咖喱蟹(寫住"招牌"嘛),又真係幾好食,搞到本來仲有啲滯意既我,胃口大開~

叫咗個藥膳醉雞煲,無諗過會咗大碟料,"陸"完之後肉質都好滑,有雞味,無雪味~雖然只係叫咗兩個餸,加埋碗飯,人家都話食到好飽,埋單三百蚊左右,但都覺得值價~

騎羊番到屋企,再開埋今日晏枱食飯時睇中既紅酒,真係好正,比上次另一間margaux村既酒莊出品更好不枉我地食完飯特意番完頭買(點知佢lunch hour,結果行住"小樽"買嘢黎等開門).

ps:人家竟然飲到兩杯,可見有幾易入口同令人回味

鹿頸

晏晝同老豆係良景食完飯,番屋企同台灣女生騎羊去鹿頸郊遊,對上一次兜鹿頸已經係06年十一月既事.

2點半40分鐘就到鹿頸路口,依舊係相熟路邊影相留念,希望愛羊開心.影完相,慢慢兜入去,等人家可以四周望風景,以及感受吓微風..

係"陳鳯記"茶座落腳時,見到有兩架DERBI既GPS125,都幾型吓.唔怕貨比貨,大家都係FAIRING細車仔,HONDA既CB150,真係無得比....好在出車前都有掃吓塵,抺乾淨風擋,側鏡,車軨,泊定定都唔失禮.

西多士一上枱,人家就係咁切,可能俾碟上既肉桂粉糖霜吸引住~

由於無晒鹵水雞脾,於是叫咗呢個煎雞翼.

英式奶茶,無港式咁濃味,下次都係叫番港式凍奶茶~計埋人家杯凍檸茶,埋單共$63,有啲貴,好似去咗遊客區咁..............

回程行新娘潭往大尾篤,沿途見馬路上有疑似牛屎既痕跡,點知真係有隻黑牛橫過馬路!直路兼望得切,打住死火燈黎收車.我離一個半車位停定,隻牛慢慢咁行(臨上嶨位仲kick一kick前腳),好在佢無好奇行埋黎我架車.

有驚無險,總算安全到達大尾篤,見到有架新一代既400cc skywave(睇落似日本進口既水貨翻新車),兩代同堂,當然要影番張合照啦.

同人家食完麻麻地好食既豆腐花,行咗陣就騎羊番屋企.今次又追錯牌,係大埔上公路時,沙田同石崗之間,我揀咗沙田(因為我唔知石崗係上水..),結果方向錯咗,要係公路出番大埔,行多次多燈位既大埔,再上公路追石崗牌,上水,元朗,屯門.

由於唔係太多油剩,所以兜多次大埔時有啲擔心,而且唔熟路,cut唔切線,搞到要偷雞"緊危迴避".點知個頭U turn完,就有架鐵馬響住警號上黎.心虛既我見仲有段距離,於是轉入小路口,等鐵馬過咗燈位,我至安心兜番出去,繼續路程.

ps:夜晚同人家騎羊入流浮山同一眾同事食海鮮歡送福娃,但可惜星期二既男仕飯局因更期事宜未能出席...

特別鳴謝:德輝既幫忙,以及愛羊既辛勞~

BMP HP2 Sports x 拳四郎

一直都幫拳四郎搵架1:12既座駕,吉之島,玩具反斗城都無(一係唔啱款,一係唔啱比例),尋日卒之都俾我係好景隔離個商場搵到!

照計番拳四郎既比例,其實應該買1:13最好,但玩具車無咁零丁既比例,唯有買1:12.坐上去都ok丫,唔會覺得人細車大.

當初買拳四郎時,見佢有手套既手腕,就好想幫佢添架電單車,結果襯上去都好有biker風格.

寶馬電單車既著夢,唯有交托俾拳四郎先生.......

真實既車款型號都唔錯,不過係單座位,黑白主色,配上藍色車軨兼車架,效果斯文得黎又搶眼.

Maisto出品既車仔走大眾化路線,手工係爭咁啲,遠睇就唔太覺,近睇的話就見到有啲立係油過界同花痕,不過$73咁大架車仔,仲想點丫~

ps:記起學電單車時,老師對進度大落後既我講"俾啲信心,俾啲油去!"

和生飯店

放假唔想煮,今晚同台灣女生騎羊去和生食飯,呢度係我以前TRAINING時開始幫襯既食店,所以對我黎講係有份溫暖.

人家唔係第一次黎,之前我地一齊番夜班,如果唔係上外母家,就係黎呢度開餐,貪佢近番工.

畢業後,我有段時間係呢度買卥水鵝做NIGHT FOOD,搞到有同事(HCA eric)問我係咪同鄉潮州人.由於女同事們怕肥,所以轉咗買三文魚刺身,楊枝金露,蛇羮,外賣.....而家偶爾至黎買串燒做夜班糧餉.

泰式辣鳯爪,第二度食唔到咁辣,咁醒胃~

牛雞豬串燒,肉嫰味香,加埋沙嗲醬汁仲正!(其實店內仲有好多串燒選擇)

最後上既清湯坑腩煲,啱晒而家冬天食,一煲都只係$45咋.兩個人埋單,都只係$140有找,咁既價錢,呢個水準係超值~(好過長洲海邊大排檔多多聲)

PS:騎羊出街食飯,點對點既交通係最爽最方便~~

J Phone夢圓

前幾日,台灣女生係市中心既T One Mobile睇中咗呢部大陸夏普正貨日系電話SH9100C.因為得一部銀色部份係凹咗兩點既機,所以落$200訂,等聽日由將軍奧分店攞部新既黎.

點知第二日店員打黎話無同事可以拎到部機黎,如果我地要凹個部就計平,堅持要新既就要等多兩日..本人覺得有啲可疑,於是出市中心攞番訂金就算,其間店員係咁話再平啲賣凹個部俾我地,同埋話兩日後一定有另一部新....

今日同人家行沙田經過T One Mobile既分店,都係無藍色,只係得第二志願既紅色,結果人家都係忍唔住買咗($2380).

沙田個salesman好大方咁開機試俾我地睇,無屯門個間咁要開咗單至可以試.一年保養,簡單既由T One Mobile跟進,換零件既就要番大陸原廠(需時約2星期).

本人覺得除咗外型吸引外,性能同介面一般(大陸一年前既款式,320萬像數ccd相機,2G制式,收唔到MMS,無收音機).舉個列,用該手機最高格式影既相,竟然唔可以做wallpaper(要少於256kb)同contact list來電顯示(.要少於20kb),真嘔血....吓吓影相都要諗過度過,再校相機既相片大細,真係唔方便..........

PS:大芒都無用,因為來電顯示張相好細,我NOKIA6500S(兩年前既機體)來電張相都大過佢

邊飲邊睇

之前錄低既FLASH FORWARD 2分17秒,今日至開始睇.故事都幾得意,冚世界一齊昏迷2分17秒兼見到六個月後自己既影像.畫面製作唔錯,就算係明珠台播,啲色都唔係太散,相信都會追落去~(之前THE MENTALIST 同DOLLHOUSE播完,仲驚無西洋電視劇啱睇添)

為咗試食台灣女生揀既芝士塊,於是開埋支紅酒,一改啤酒配零食既睇電視型式~~

慳家日

昨日既花費,變作今日既節儉,晏晝食既係日式叉燒烏冬.慳在係尋日係海港城購物後,用$10換$50citi super禮券(換兩set),係citi super買咗兩包日式叉燒,同日本札幌拉麵醬油.

PS:夜晚係外母屋企搭食

尖沙咀行商場

今日晏晝係stone grill同台灣女生食晏,今次都用citi bank優惠,可以享用特價餐$128.

兩個人太肚餓,只係影咗張頭盆相,主菜美國牛小柳配珍寶蘑菇就無影低......不過真係好好食~加埋一件紐約芝士餅作甜品,飽到下午茶都唔駛食.

行開街,見人家用開個袋都好殘,於是同人家一齊揀咗個袋,當係提早送既情人節禮物.

番到屋企至知原來係日本製造,真係意外收穫~

由於有優惠,所以變相以$90換購呢條頸鍊仔,人家話鍾意個鎖頭吊飾,因為我地係關島情人崖掛咗把刻有我地名字既鎖.

我都有收穫,就係買咗GUNDAM00既BEST COLLECTION(有齊兩季既op同ed歌,仲有埋隻dvd睇(開場結尾短片).咁啱又俾人家見到秒速5厘米既single,於是買埋.

ps:真係要讚吓香港唱片一位女職員,因為當我拎住隻single問佢有無soundtrack大碟時,佢用電腦check過公司無貨,再上網search過都係無,我已經覺得幫咗好大忙.當我同人家繼續搵碟時,呢位女職員走埋黎話我知原聲大碟要日版dvd連賣既set至有.相信佢一定係再係日本網站search過,我真係好感動~

雷公田-南坑排

番早更都無咁早,七點係元朗廣場集合,一齊食早餐,就係為咗同就黎番澳洲既jack少一齊行山(當踐行)~

無諗過阿jack真係行開山,全程帶住我地行,成個領隊咁.

經過農場鮮奶有限公司,由於啱啱食過早餐,所以只係門口影張相就算,無入去小食亭坐吓.

有山有水

一間被空置既小學

行行吓竟然見到有個小型羊欄,係我印象中,對上一次見真既羊仔,係細個去荔園玩個陣.我仲記得每次都會用手上既卜卜脆零食黎餵羊仔.

多變既白雲

水閘下游,水流快到玩激流都得....

負傷既要用jack少即制既柺杖,插褲袋既輝仔好似拍廣告擺pose咁.聽番德輝同表叔講,原來我以前啱啱畢業時都係好似輝仔咁瘦.經過電單車既鍛鍊同年齡增長(兼少量運動),而家個人至無咁單薄.

起初以為山火,睇真啲原來都只係雲相,唔知係咪飛機劃過既痕跡淡化中?

我覺得行山開心在一班人,開心事唔開心事都邊行邊傾,途中亙相關照住大家,甘苦與共既感覺始終係最好的~

臨近尾段,見到有架被拋棄honda街車,唯一可以為佢做既,就係幫佢留住好以片緊彎既英姿照~

行到成點鐘都未到車站,又未有飯食,於是係呢檔好似麻雀館既士多買汽水同雪糕黎頂肚,兼坐低偈吓.

鍾意村屋既原因,好可能係可以見到一大片天空,日頭藍天白雲,晚黑滿佈星星.

希望阿jack番到澳洲生活愉快,一家大細,樂也融融~

ps:晏晝係酒泉食壽司,飽到嘔.....番到屋企沖個涼就訓咗兩個幾鐘,叉完電至有力騎羊去市中心食撈麵(因為食壽司食到對飯有啲抗拒)