J Phone夢圓

前幾日,台灣女生係市中心既T One Mobile睇中咗呢部大陸夏普正貨日系電話SH9100C.因為得一部銀色部份係凹咗兩點既機,所以落$200訂,等聽日由將軍奧分店攞部新既黎.

點知第二日店員打黎話無同事可以拎到部機黎,如果我地要凹個部就計平,堅持要新既就要等多兩日..本人覺得有啲可疑,於是出市中心攞番訂金就算,其間店員係咁話再平啲賣凹個部俾我地,同埋話兩日後一定有另一部新....

今日同人家行沙田經過T One Mobile既分店,都係無藍色,只係得第二志願既紅色,結果人家都係忍唔住買咗($2380).

沙田個salesman好大方咁開機試俾我地睇,無屯門個間咁要開咗單至可以試.一年保養,簡單既由T One Mobile跟進,換零件既就要番大陸原廠(需時約2星期).

本人覺得除咗外型吸引外,性能同介面一般(大陸一年前既款式,320萬像數ccd相機,2G制式,收唔到MMS,無收音機).舉個列,用該手機最高格式影既相,竟然唔可以做wallpaper(要少於256kb)同contact list來電顯示(.要少於20kb),真嘔血....吓吓影相都要諗過度過,再校相機既相片大細,真係唔方便..........

PS:大芒都無用,因為來電顯示張相好細,我NOKIA6500S(兩年前既機體)來電張相都大過佢