一直都幫拳四郎搵架1:12既座駕,吉之島,玩具反斗城都無(一係唔啱款,一係唔啱比例),尋日卒之都俾我係好景隔離個商場搵到!
照計番拳四郎既比例,其實應該買1:13最好,但玩具車無咁零丁既比例,唯有買1:12.坐上去都ok丫,唔會覺得人細車大.
當初買拳四郎時,見佢有手套既手腕,就好想幫佢添架電單車,結果襯上去都好有biker風格.
寶馬電單車既著夢,唯有交托俾拳四郎先生.......
真實既車款型號都唔錯,不過係單座位,黑白主色,配上藍色車軨兼車架,效果斯文得黎又搶眼.
Maisto出品既車仔走大眾化路線,手工係爭咁啲,遠睇就唔太覺,近睇的話就見到有啲立係油過界同花痕,不過$73咁大架車仔,仲想點丫~
ps:記起學電單車時,老師對進度大落後既我講"俾啲信心,俾啲油去!"
