今晚台灣女生去飲,咁啱BoBo蘭蘭同嘉欣話黎探幸男,知道我無飯開就話煮埋飯一齊食,見Janice同康琦都番早,於是叫埋佢哋一齊上黎,阿姐哋聽到後,話又想黎探bb,結果由三個訪客變咗十個,晚飯亦由小菜變咗打邊爐~
後生女們一圍埋就雞啄唔斷,好似宿舍柴娃娃咁.多得佢哋唔嫌棄我呢個中男,幫我諗埋晚飯.
阿姐們都算關照我,唔洗我點幫手,我只係放工去咗買啤酒汽水.食品處理完全唔洗我粗心,可以安心睇住幸男~
趕番夜更既阿貞同剛番完夜更既愛姐都有黎趁熱鬧,又食又探家B.
麗姐同群姐坐定定咁等影相,最衰自己番完早更攰(一支細啤酒都飲唔晒),唔係就可以同大家影多啲相兼大合照(同女仕們合飲照)
