天氣咁好,以前就會同台灣女生騎羊係區內走動,或遊車河,再唔係就搭車出市區行.
而家有咗幸男就變咗係搭小巴出市中心,移動力低咗,但人家好似仲開心咗.
是日係外母大人湊孫既DAY OFF,但都約老人家係市中心飲茶見吓個孫仔.
外母真係好鍚幸男,飲茶個陣都要用孭帶黎抱住佢,點心好唔好食已經係其次.
夜晚用新買既電飯煲黎煮飯,卒之都可以唔用又"雅訂"又舊既飯煲,煮出黎既飯又真係唔會有飯焦軟,正~
幸男卒之都有專用既風扇,平時用客廳個把,但而家外母有時係度過夜,所以唔夠風扇用.人家貪佢夠薄身,唔阻地方,三個風扇可以獨立開關.
我同人家對兩件新電器都好滿意,飲完茶,行陣市中心BB車加兩件電器黎搭的士番屋企,超值~
