聽日就搬屋,但啲嘢好似執極都執唔完...紙箱擠滿客廳同走廊,心急行兩步又要急停,再要左攝右攝.我同台灣女生講,好似英超訓練營,練步法咁........
隨意影番幾張相,記錄吓住咗四年多既租屋陳設(因為帶唔走嘛),當然有電單車份啦~
睡房牆壁以愛情電影MINI POSTER做主題,話晒當時係新婚嘛.
鞋盒一走廊都係,其實已經幫台灣女生扔咗一部份太舊同唔著既鞋.呢個星期都忙住新屋裝修,收家俬電器,舊屋忙PACK箱.執嘢執到十二點正,台灣女生生日,雖然有安排送額外禮物同閃燈生日蛋糕型生日咭(可以吹熄)驚喜,但都無暇影相同短片留念.............就連幸男一歲生日都無時間搞生日會,仲要同人家等IKEA砌好晒啲家具,八點至出去市中心帝廷同外母,幸男食飯,自己都又病又攰,勁頭痛.希望幸男同幸男媽媽唔好見怪啦,新居舒舒服服作補償啦~
PS:又係時間繼續執嘢入箱了
