尋日買咗新路軌配件,於是動手優化幸男既火車版圖,令次既新元素係外圍環狀線.新路線可以俾THOMAS拖動十個車卡,因為太多彎位會令車龍反車.舊有既特式主題路線就繼續保持風格,只係將拱橋轉為新引入既行車交滙點.另一個小型路線就加入拱橋,架空彎位,以及新引入既車站.
特式主題路綫可以容納兩架火車頭,小型路綫就只可容納一架,而大型環狀綫除咗可以容納有十個車卡既火車外,應該仲可以加多一架火車.唯一擔心既係追撞問題,但相信適當分配車卡數量會係一個方案.幸男當然開心,不時行出行入去火車路軌範圍.由於版圖大咗,幸男行過時都要貼住梳化或電視櫃同玻璃櫃黎行.
我同幸男講,如果佢乖的話,5月份就為幸男添置多一架火車頭玩具.幸男近日開始唔願食飯及扭計喊多咗,希望佢能夠為目標而努力做個乖既小朋友啦~
