富臨

晏晝係屋企做清潔,臨近完工時楝哥打電話黎約晚飯,結果約咗去新墟富臨食.對上一次黎同楝哥食都係臨時即興咁約,都係有叫芝士焗龍蝦,抵食嘛~由於我哋坐低已近九點,好在阿姐立即幫我哋入單,因為特價龍蝦供應至九點.

麻甩佬傾嘢,啤酒同燒乳鴿又點少得.

上次都有叫蟶子皇,見味道唔錯,所以今次都有點.話就話大都唔食得多,但結果都係食得晒.昔日書友,而家已經係相識廿多年既好友.課本考究,已演變為生活難題.慶幸大家都繼續住係區內,無為因工作而搬區.即使係即興約食飯,大家都可以輕鬆赴會.