今日係幼稚園既華服日,明明N班時新年已經係華服日,無端端秋夏又要著.早幾日台灣女生已經係華都商場買咗套短袖華服,咁又一舊水,最開心既一定係童裝店.....臨出門口時,幫幸男影番幾張相黎留念,兼且交功課俾人家.
幸男依舊企唔定,不時邊走位邊話"企呢度丫".....送上午班番學的確係比之前下午班攰,小朋友又未訓夠,大人就更加要再早起身.以前送完番學,急急腳番工,都叫順路.而家就要自己番屋企,小睡番兩個鐘至再出門口食晏兼番工,多咗一程車,大熱天時兼唔夠訓,係月台等輕鐵確係苦差.....
