Back to school- Way back into love

今日晏晝同台灣女生及幸男去V CITY食晏後,人家番晏,我同幸男去新墟相熟花店攞花,因為今日係豹哥既結婚註冊既好日子.

Gordon同阿嫂帶埋Ariel黎,當然要幫兩位小朋友影番張合照,話晒第時都叫做世交丫.

同事們話我同幸男係父子裝,其實只係咁啱大家都係白恤衫配煲呔啫.

律師見證及新人誓詞後,一對新人係氣球佈置既專區(攝影團隊set定晒燈光傘),與親友們合照留念.

幸男中段時間因眼訓而無心機,好在無耐就回復番.經過前兩次用閃燈既場合,今次己較快調整至心水既色調,而且得出用flash配Auto ISO之組合,最能保留環境之色溫氣氛.

我不時以Wifi傳相至手機,再轉寄網上同事群組,令未能出席之同事可以即時分享歡欣時刻.

參加過不少結婚觀禮,今次特別感觸,因為一對新人確實如誓詞般,不論環景順逆,都亙相扶持著.學校俾我既感覺,係年青人追夢既起點,亦係家長們寄望子女可以獨立成才既場所.今日禮堂變成一對新人追尋幸福既起點,家長們見證子女成家立室既場合.

雖然無參予最後於操場放氣球兼大合照(因幸男太攰同眼訓),但係會場附近見到天上既氣球,"明天會更好"很切合眼前既景致.

PS:祝一對新人幸褔快樂,大家都寄望於十月晚宴,再為你們送上真摰祝福!