星期一開始放大假,今日騎羊去相熟輕鐵站,等台灣女生帶幸男番學.日光用舊天涯鏡遠攝,雖然係crop模式下得番千四萬像數,但質數唔太差,一片心旅行用佢黎日頭影戶外照,打消加接環用A mount既full frame天涯鏡.
理應一齊出門搭輕鐵送幸男番學,但為咗回程可以快啲,所以我先騎羊出門.有父母一齊送番學,幸男固然開心.其他家長可能見我好似怪怪地,明明唔係第一日番學,點解呢個爸爸會帶相機黎影相呢?
夜晚帶幸男上番爺爺嫲嫲屋企黐餐,食完飯同幸男行番屋企.見球場無人踢波,所以係士多房抬出三輪車俾幸男活動下.換番支大光圈定焦鏡黎幫幸男影相.係眾多走焦失敗作中,得呢張較合心意.踩到人家放工經過球場時至一齊番入屋.
PS:人家話幸男同球場內踩輔助轆單車既小朋友見到球場上既曱甴,由原本駐足觀察,變成慌忙四散(幸男用腳撐住地面走)
