破鏡重圓-維修天涯鏡

今日收工就騎羊出市中心會合陳大姑拉,再轉巴士出旺角.約埋方大姑拉係朗豪坊Mr.Steak食個下午茶,大家有傾有講,就係無影合照.

食完傾完己近五點,Sony show room唔多人,好快就有得埋櫃枱攞番支天涯鏡.維修單上既項目,同師傅電話報價一樣,switch board同cable,齋零件都$8xx,再加$300手工,肉赤.....最衰full frame天涯鏡未出,如果唔係我俾咗$150檢查費就唔鬼整.

問過職員,維修後一個月內都可以join番個保養,一於用到九月尾至續保.之後各自歸家,我突然諗起去星際睇吓相機背囊,於是拉陳大姑拉陪吓我行,當傾多陣.想買既款式無現貨陳列,行均都無個啱心水,唔通真係要出九龍灣既manfrotto?