振興新村盆菜

又一年了,一家三口齊出席振興新村盆菜.未知是否因為今日係星期日,好似比舊年早開始舞獅.

幸男依舊喜歡睇舞獅,Ben拖住幸男去搵有利位置睇表演,我就專心用相機影相.

今年既盆菜供應商係輝記,份量及味道都好過之前既萬里緣.

上年抽中一箱公仔麵,今年就抽中電磁爐,多謝大家將呢份禮品讓給我們一家.隔離枱既姨姨話"電磁爐都好丫,我抽中個煲",可能佢屋企太多煮食用具.Ben叔叔以半捉弄既型式黎同幸男玩,令幸男不時咔咔笑.

大家邊食邊傾,都無為意大姐出咗去參加既啤酒競飲比賽,未能為大姐拍照留念.唯有係我地張枱補影,賀大姐輕取冠軍.

新一年,祝願大家身體健康,心想事成!

PS:再一次多謝大姐同麥生既款待~