住家男的例假

是日放假，訓晏少少，動手家居打掃。騎羊去燊光食完晏，再番屋企做埋下半部份家務。傍晚時份出去足球場跑步，望番跑步錶紀錄，原來已三個多月無跑了( 都仲跑到5Km)。

晚餐由台灣女生主理，菜由外母洗定，雞翼由外母醃定，為人家省去不少功夫。

食完飯，人家洗碗碟,我就同幸男玩UNO.一輪+4攻守之後,幸男被罰取16隻牌.幸男無因為被罰而喊,繼續玩埋手頭上既牌,情緒管理有進步.

雖然無咩特別節目,簡單兼慢版的一天,已令我稱心滿意.