星期六的無題

今日番晏,電單車位比平日緊絀,我要泊到最入兼近儲物貨櫃之位置(數落總共有9部車).

行過康楠部車，見到地面既手套好面善，咪就係大家夾份送俾康楠果對？Whatsapp問過康楠，原來係尋日淋雨濕晒，晾咗係兩邊把手位吹乾，咁啱跌咗隻落地。反正帶咗盒拉打人偶俾康楠，於是連埋手套放入無上鎖既尾箱。

晚飯都係食下午茶既公司三文治配薯條，放工騎羊入元朗買蠔餅外賣，無諗過咁多人排隊(平日少係星期六日幫襯)。

調製梅酒梳打俾台灣女生，自己就用保溫杯斟冰凍啤酒，兩公婆一齊邊飲邊食蠔餅，幸男就係房間等媽媽哄睡。