人生第一條電單車牛仔褲

著咗EDWIN X 56 DESIGN既電單車牛仔褲一星期,感覺真係唔錯,膝蓋,大髀,及跨下完全無半點崩緊不適.兩層布料既設計,增強擋風能力,即使係15度既天氣,上公路都唔覺冷鋒來襲.

八月日本旅行時,台灣女生特意為我搵定間大型電單車用品店去行吓.寫明"日本制",人一世物一世,結果買咗條$12,000円既電單車牛仔褲(其他歐洲牌子仲貴).人家叫我買多條,但我都只係買一條橄欖綠色(一黎太破費,二黎得紅色).

呢條褲既腳位比普通牛仔褲長同窄,車手唔會因曲腳而感到吊腳及容易入風.不得不佩服設計者之匠心,一分錢一分貨,亦係有買貴無買錯~

PS:咁啱電話收係電單車褸內,係燈位可以影到呢個景,中學時期最開心都係崇真既日子.