星期六唔想等位既代價

星期六晚,唔想同人迫,又遲出門,食咩好呢?諗起何福堂附近既大排擋，於是騎羊出發。可惜新金榮檔外已企滿等位既人，反而至尊小炒皇咁啱有人埋單離座。

油鹽水花甲,變咗係胡椒湯底,夠新意,但肉質有點韌(煮得過耐)....

椒鹽蟶子,等得耐都算,炸粉唔掂兼肉質乾韌,好以食魷魚乾咁.原來最早上枱既口水雞已經係最正常既一味,下次點都唔會再幫襯!!埋單後同人家行去泊羊位置,撞見康楠係附近同朋友等食另一間既大排檔,原來行人路上既學神電單車就係佢其中一個朋友~

番到屋企,上sony官網搞咗一輪至成功開到account買星軌app,為十二月中既雙子座流星雨作準備.希望天公造美,話晒都係我第一次去睇流星雨~