平安夜住家餐

上年係十二月就為愛羊掛上聖誕裝飾,今年就近聖誕節既一星期至掛上.每年都希望小朋友係街上見到時會開心笑往黎指向愛羊,但印象中未曾發生過......

難得唔太忙亂,是日可以補鐘早收工番屋企食飯.諗住唔夠夠餸,一心買自己份外賣,但台灣女生話夠食0架啦,可直接回家.點解二人前既份量可以變成三人前?答案係提早出動原定聽晚用既牛扒!

原定兩仔乸只係食炒菜,瑞士雞翼,同燉蛋.臨時加單項目有,多一個燉蛋,香菇煮急凍蠔,以及兩塊牛扒.今年既聖誕節無咩準備,希望下年既節日可以有多一點計劃~