家居星期六

忙咗成個下晝,卒之都完成黃金十二宫聖域~今次以前6後6既隊式排列，各人手攜著頭盔，好似影畢業相咁。

夜晚係屋企食BRUNO火鍋，海鮮食材當然唔少得, 始終係屋企抵食啲，至少飲品慳唔少。

新買既空氣清新機，除咗用黎除裝修既VOC，更可以散去火鍋過後既氣味。

裝修過後，客廳多咗空間，幸男可以係地下碌住黎玩。

臨訓前，幸男要人家陪玩鬥獸棋。本人一向唔太有耐性於棋盤,但幸男自從小二老師介紹棋藝之後,要求婆婆及媽媽買棋。