與羊同行

是日放假,盡父親責任接放學,當然係拍住愛駒TMAX出動。

出門先去置樂,為幸男準備自己兒時既雞蛋仔味道,再兜去學校附近等放學。

怕幸男餓親,寄望小食可以為幸男注入活力,見幸男食得開心,爸爸就心安。遞上鮮黃色頭盔過幸男,安頓好書包及食物袋於愛駒座位下及龍骨行李代袋內,抱起幸男坐上後座。跨上司機位,撻車扭油,送幸男上功課班。

夜晚同舊D10同事食飯，都係騎愛駒入元朗。上次check車之後,暫時再無空轉死火既問題。雙臂,胸前及雙腿開始回應車重,但座位之濶大,依然係停車落腳時既考驗。