DEAR JANE

今晚同台灣女生一齊睇DEAR JANE既演唱會,雖然遲買飛，但總算買到孖位。開場前,無意中聽到後方女FANS既對話,發現原來係同行。

斜角望舞台，景觀開揚，今晚係第二場，亦係最後一場。第一首聽DEAR JANE既歌係翻唱既"陽光"之後,開始追聽其他歌例如"也許我不會活多一歲","咖啡因眼淚","不許你註定一人".....

今晚既嘉賓係周柏豪,人家問我有無聽佢既歌,我答:"我睇佢寫嘢多",人家不禁忍笑答:"我都係...."。

成員走向舞台之兩方,與FANS握手及合照。主音Tim 賣力之餘，結他手Howie及低音結他手Jackal都有獨唱，鼓手Nice與中學組band 既舊友上台表演。

一心期待“陽光”，可惜只係换衫過場時播練歌片段。上一次同人家聽演唱會應該係2012 年聽Westlife,新歌作品就係2011年Yui(而家都不再活躍) ,唔睇番個blog 都唔知咁耐。多謝人家代網上買飛兼陪伴，如果我一個人就唔會入場睇～

PS: 互動環節為觀眾拍掌揼腳之節奏伴曲，大家望住大屏幕，好似玩Guitar Freaks咁，跟住提示輸入音效～