預祝母親節

台灣女生叫我同幸男準備(煮)母親節晚食飯，我同幸男都係話出街食就算啦，結果揀咗光仔番工既Bistro Bon。

是日餐湯有蘑菇湯，啱晒幸男心水～

厨師精選既貴妃蚌，真係超好味，下次都要追食。

黑松露意雜菌意粉,原來黃光下意粉顏色好難忠實呈現......

牛腹肉同肉眼扒雙拼,下次都係揀牛腹肉好啲,又嫰又滑~

食到尾聲,係相機背囊拎出錦旗,並託幸男作頒奬嘉賓。人家非常好奇邊度有得買,我當然無講出秘密~

託光仔個兄弟幫手影家庭照,簡簡單單,咁就當係母親節慶祝活動。

PS:搭63X出到太子再轉的士都方便，但回程就要行番去九龍塘地鐵站。