親子東京遊DAY 11

小四既幸男已不再BB,但訓覺時都仲係鍾意攬公仔(由出世到而家)~咦,嘴角仲有口水積喎～

今日無準備乾糧早餐,順路係酒店附近商場既咖啡店食早餐。文化背景不同,當地人可以好隨心咁將背囊手袋放係吉枱,自己帶住銀包同智能電話出去買嘢食。我哋依舊叫幸男係座位看守行李,二個人買三份早餐番埋位~

幸男食法式多士,領隊揀,我就揀咗煙三文魚包。唔想由早飲咖啡飲到晚,所以叫咗杯ICE TEA。大長枱有叉電插位,方便獨腳客人可以與電筆及知能電話作伴,可惜影相會影響他人........

食完又係搭鐵路,今日既主題係日本科館"科学技術館"。行過公園前,其實我哋經過靖國神社,不過歷史背景唔太適合外國遊客。

兩母子行得快過我,領隊先以XPERIA  XZ3為幸男拍照打咭。沿路經過武道館,路邊有唔少軍車停泊,唔知係咪因為附近係靖國神社。

館內分5層(計埋地下),一上樓就係汽車主題,幸男當然試揸三屏幕模擬私家車。

幸男挑戰CB400,由於車身固定於地面,幸男只可以扭動把手黎配合彎道。

跟住再試揸貨櫃車,我無擒上去睇幸男表現如何,只係見佢全神貫注咁望住屏幕。其實我都有少少想試吓操控柯柏文,不過無謂同小朋友爭丫~

多年無騎街車既我,原來身型都勝任CB400喎!模擬駕駛無轉波功能,未能令我重投換檔既操控感~

另一邊廂係單車歷史館,但點解會係成隻獅子造型?唔通騎獅子至夠威?

反而呢架單車帶點FAIRING車既味道.................

館內無特別既餐廳,只係有兩檔賣輕食既小食部,結果我係要食杯麵同熱狗腸....

同香港一樣,科學館係小學既外出活動之選。

3樓既電力及環境主題無咩特別影相,頂多係有踩單車發電計。我同領隊都有落場比試,但不敵新陳代謝率最高既幸男。

4樓係建築機械主題,幸男可以扮爺爺吊機,不過唔係吊鋼筋,而係夾波波~

呢個係不知明既機關,咁啱打咗個姓氏出黎,拼出"周幸男"~

日鉄丸の公園1丁目,以金屬打造一個遊樂場。金屬版冰壺吸引唔到我哋,一家三口都鍾情呢個炮擊玩意(瞄準並射向標靶),幸男當然係玩得最多~

5樓既幻覺主題確實令人有點頭暈,有點INCEPTION既感覺。

呢間不水平房間,遊客先要扒地進入,先可以感受到視覺既衝擊以及理性與錯覺既拉鋸。

鏡陣反射,我叫幸男扮忍者影分身~

幸男太老積,令AI高估其歲數近4倍!相反,我同人家就少咗好幾歲~

幸男係新幹線戰士動畫得知王子駅附近既北とぴあ商廈可以望正新幹線車軌,適合鉄道迷守候。

觀望台隔離就係餐廳所在,一家三口趕入去嗌下午茶餐～

因為無晒士多啤利蛋糕,幸男跟我揀咗蘋果批,而我就追加手工啤~

又係假笑時間,雖然係室内,但都纜住條冰巾。

幸男既組合係橙汁配蘋果批,飲飽食醉之後就自己出去繼續做鉄道男。

領隊既餐飲係抺茶牛奶,趁幸男行咗出去,我哋可以好好享受黃昏日落既時刻。

店內無後生仔顧客,只係見到長輩們既小組,以市內既景色襯托朋友們既舊說或鎖事~

搭火車時,幸男以科学技術館禮品部買既3D PUZZLE黎殺時間~

領隊悉心為兩父子準既景點係秋葉原,目的係為幸男搜尋新出既新幹線戰士新產品-奧加!隨機搵咗個商場上去睇,無諗過會去咗amiami既實體店買幸男既心頭好。amiami係我多年上網睇玩具既日本網站,搭電梯時見告示話4/F,無諗過無意中去咗朝聖(可惜我無斬鑊)~

宅父子@秋葉原無線電會館店,他日幸男會同朋友或仔女講同父母去過秋葉原嘛?

搭鐵路番酒店附近既商場food court食晚飯,睇均都係揀鐵板漢堡。

我哋揀咗特選駄敏丁カット肉扒(牛的大腿的"ranichi"除掉肥肉yasujio),雖然food court內有間小酒吧,但望落去都無乜選擇兼心水,所以都係番酒店飲罐裝~

PS:酒店房窗外既SKY TREE換上奧運5色環主題,睇黎大家都好期待2020年既奧運盛事,與我既忐忑不安"相映成趣"。仲有一日行程就番香港喇,Jacky曾於電話短訊叫我好好咁放鬆下,因為照顧抱恙老人家會消耗不少心力。