病情中期回顧

至今老豆完成四次治療,醫生提出做多次PET SCAN作中期評估,但由於老豆生蛇要留院隔離兼食藥,所以順延至今日。同一間中心,相熟既面孔同程序,但今次午餐就行咗去逸東既FOOD HALL食鐵板餐~
預唔夠時間,食完晏急急腳行去檢驗中心,中途係7-11買蛋糕同飲品俾老豆。由於咁啱就快有巴士(KMB APP顯示),於是兩父子趕住去巴士站追車,成功係車站等巴士埋站。

彌敦道充滿著示威抗爭既足跡,社會垢病係誠信問題之伸延,對上一次有問責官員請辭已係2003年既事。梁錦松涉嫌於提高汽車首次登記稅前購車,只是可以輕鬆負擔既錢銀利益,但往後好多官員既失職或更大利益嫌疑,卻厚著面皮兼以有權用到盡來應對。重視性價比之時代下,官員既然捨棄了政治禮儀及道德,又如何可以斥責示威者既"粗暴"?子日:其身正,不令而行;其身不正,雖令不從。

PS:由於老豆身上尚有微量輻射,故今晚無帶幸男番老家黐餐,晚飯由台灣女生主理。滿心期待既有機啤酒,味道不太令我驚喜.....