議論紛紛兼前仆後繼之下,服務單位今日正式轉5天工作週。平時六點起起身,今日特意校鬧鐘早15分鐘,因為要先去兆康麥當勞買早餐。
除咗training yr 2時試過短時間既38制外,廿二年來一直都係6天制。以往早餐50分鐘,14:20放工後才自行食飯。新制式下,早餐時間大減,但13:30有45分鐘午餐時間,15:48才放工。早餐時間堅趕,偶有噎膈之苦。除咗每天工時長咗個半鐘,為咗每星期放足2日假,每更既人手亦會削減一位。
事前已講笑話,希望可以捱足5天,去迎接兩天假日。如果第五天臨放工至暈倒兼入院的話,2天假變病假療傷。
