對上一次黎白鷺已經係2017年一家三口中秋追月BBQ,放假兼撞正台灣女生放大假,騎愛駒重遊拍拖故地。
裝修時期一度乾涸既湖池,已重新注水。今日未有見到飛鳥到來,東鐵就依舊間歇穿梭。
人家揀咗corridor座位,有瓦遮頭,但又不失戶外自然光與風。如果係室內位的話,就與普通餐廳無異......
限食令下,大家都趕係六點前堂食,我哋今次揀下午茶時段。
其實個柚子芝士蛋糕係我既,雖然最終都係交換黎食。
舊幾水個下午茶餐,只係包杯茶,特飲要計錢(我哋加咗榛子咖啡同番石榴汁)。
我就嫌個炸魚唔夠乾身,好似有啲湯汁咁,但人家就唔太抗拒。
偷閒放空,其實人家都要遙距對功課,兼代上傳google classroom。
無得外出旅遊,唔少港人變陣去行山或搵特色餐廳打卡,我哋今次就多一份懷愐。
XPERIA ii 既自拍當然比唔上A7 iii,但都要作留念嘛~
好耐無同人家一齊騎羊兜風,畢竟照顧幸男係首選。TMAX亦可以舒展吓根骨,擺脫惱人既燈位,與我倆一齊享受迎風而來既速度及藍天。
