放假又係家居清算日,騎愛駒將屋企用唔著既舊物交俾救世軍家品店。自2018年屋企裝修時,就開始將舊物拎去救世軍,環保得黎又可以幫到人嘛。其中一樣係幸男幼稚園時期既汽水機玩具,當時幸男不時儍痴痴的投入假錢幣,以傾出汽水罐.........
受兩母子所託,一個要雞蛋仔,一個要夾餅。好在紋身大叔有開檔,望住黎等至知夾餅內有牛油同花生醬。
再行去白羊咖啡買外賣,嗌咗香草咖啡同榛子咖啡至見到有單品啡豆,唔知有幾大杯同幾錢呢?
雖然門面唔係太吸引,舖位亦唔太起眼及光鮮,但有誠意既小店足以令你願意再度光顧~
見保温櫃内有提子吉士酥,啱晒未有茶點小食既我。雖然酥皮面,但入口唔覺油膩,下次都會再追買。
PS:係置樂見到外賣羊既土炮保暖手套,好似俾人斬甩隻手咁,有點驚嚇~
