今晚一家三口睇"我的少女時代"既藍光碟，故事既設定有點似"今日我至叻"日劇既不良學生感覺。其實之前台灣女生已係戲院過，只係一直話想買隻碟黎翻睇。比<那些年，我們一起追的女孩>，<我的少女時代>比較真實一點，至少無咗無謂兼誇張既打鬥及打槍情節。歡喜冤家組成既拆散鴛盟自肥小隊，變成暗生情愫。女主角林真心既悉心打扮，有點似雞珍.........90年代香港四大天王既時光,我亦都係中學生，call機，錄音帶及連鎖不幸信....每樣都令我回心微笑。節奏明快，笑料夾雜著感情線，不知不覺就過咗兩個鐘。主題曲<小幸福>臨近結尾至出現，配合男主角錄主帶既告白，成為全片最催淚(對女觀眾)既時刻。
PS:男女主角投身社會職場既樣真係變化好大，尤其係飾演徐大宇既王大陸變成言承旭.............
