星期五晚大傷元氣，今日自己牛一都無咩精神，午餐係台灣女生係點餐落既老鳯茶居外賣(有我鍾意食既潮州粉果)。
日日都忙住番工同家務，唔記得咗幫幸男買FIFA23!騎愛駒去置樂利寶睇，間間都售罄，得一間話有($529)。明明應該3舊尾，心有不甘要食炒價，託係市中心附近既嘉耀望吓吉之島同華都有無貨，結果都係行番上去食炒價。夜餐安在家中享用人家既輕食西餐，由於胃口不佳，無解凍生食日本生蠔。唔太好甜品，人家整咗個雜果啫喱扮蛋糕俾我打咭用，朱古力牌就係尋日中大書友送既生日蛋糕留起既。
PS:人大咗，願望變得簡單，只係想身邊既人同自己都身體健康!
