舊A2黃金BBQ

收工騎愛駒去黃金海岸，因為Mathew師兄將會離港，所以趁聖誕節一齊聚吓。

Mathew屋企係頂層單位連天台，所以今晚係露天BBQ，對住無敵大海景。

主人家對食既要求，絶對令大家都大滿足(仲有長腳蟹)~

食到一半，我要騎愛駒去置樂接幸男放足球堂，其實呢度泊車係$16一個鐘，電單車都無得平，所以點都泊正車位中間!

幸男到埗就係室內同SMILE一齊打機，嘢食都係大人傳送落去。

大合照搵咗幸男揸機，戶外大燈下都可以用手機影得清楚。

當年Mathew有抱起BB時代既幸男，宜家已經高過膊頭位，希望Mathew生活美滿。