有別以往生日，今晚出咗街食飯，因為台灣女生話想補償番英倫旅行食唔到威靈頓牛~
地點係尖沙咀既FORTNUM & MASON，我地有去過英國既車站分點買手信。
玻璃窗望正維港，人家話尋晚係FULL BOOKING，應該係大家都想邊食邊睇煙花。
"超越我對牛扒既認知"，正正係幸男對呢道主菜既評鑑。
藍龍蝦配手做疙瘩麵，海鮮濃湯，酸模葉，味道似龍蝦汁通粉。
二人前份量既威靈頓牛，外表睇上去十足個菠蘿。
配菜有炒豆角(法邊豆)，以及焗千層薯。
Peppercorn sauce會係客人面前即煮，可惜捕捉唔到加酒後既火舌。
原先怕唔夠食，食吓食吓又慶幸無嗌餐。
Flip 5既引入，為家庭外出用餐既合照，生色不少。
幸男係英國旅行時開始以LEMONADE當餐飲，番到黎香港之後第一次再嚐FRESH LEMONADE。
香檳Cocktail -Buckland後，意猶未盡，嗌咗杯以豬肉乾作點綴既Cocktail -SOW'S EAR。
生日飯餐，送你一塊芝士蛋糕，生日願望只求家人身體健康~
人家揀咗Denise-咖啡酒朱古力，白蘭地脆餅，特濃咖啡及雲尼拿雪糕。
試過2杯嘢飲，下次行開街都可以黎飲番杯～
自拍照繼續委託FLIP 5，相比之下，色水無咁靚，但總叫做認得出對面海既會展。
話就話自己生日，但上晝為幸男既生日禮物，騎愛駒去伯伯屋企樓下代收。
嗌埋個外賣，幸男一起身就食晏兼預早收伯伯伯娘送既生日禮物。
以為幸男既笑容係抽筍咭，原來係嘰笑抽中廢咭。
一片狼藉，但抽中心頭好-迪布尼同夏蘭，已無憾。
晏晝都再出車，去老豆院舍樓下買個下午茶-奶油多+熱鴦上去，叫做盡點教義（呢一兩年真係經歴好多）。
PS:幸男今年已中二，唔再係黐住父母就開心既小朋友，希望能為佢打點及啟發多一點。
