就朝早出席學校家長日，我同台灣女生唯有揀晏晝機飛去日本。紅酒伴動作片，派飲品時我特意嗌2杯紅酒，無謂睇到中途要分神搵空姐空少。
信用咭里數夠換2人來回機票，促成是次久違既二人旅行，咁就16年。
仲記得蜜月旅行係搭ANA，個餐包係熊貓造型。當年未有廉航，symbian手提電話亦無得漫遊，要租J Phone至可以係當地打話。
落機已經係當地九點，今日既點點得一個，就係酒店。
下雨天，好在我哋唔洗出露天位搭shuttle巴士去機場日航酒店。
酒店環境簡約，二人床，曲尺梳化兼書枱櫈，
由於太夜，所以晚餐係酒店樓下既LAWSON買啲嘢食就算。我呢個紅酒燴牛肉都唔錯，只係份量無預期咁多。早啲訓，聽日至開始真正既行程景點。
