二人東京遊DAY2

朝早搭SHUTTLE落番去機場巴士站，今次就等機場巴士去新宿。

2個鐘頭車程，今次我哋入住既係Hotel Groove。新酒店常規係樓上lobby，主題牆壁由各時代既舊日本照片所拼砌。

酒店位於歌舞伎町，附近有唔少商場，午餐就係AFURI辛紅食拉麵。人家之前同外母兩母女旅行時食過，所以建議我陪佢食多次。

店內有圍裙提供俾食客，以防湯汁彈到上身衫。

柚子辛紅拉麵，我同人家都係揀咗同款，A7iii既色水係比對上一張FLIP 6自拍既精準。

食完晏，係附近既商場逛，見到有MACROSS既展銷攤位，但望落好似流流哋。

雖然幸男已掛靴，但都有去運動店幫佢睇波衫，竟然見到有夏蘭特既公仔賣。向店員問有無其他款，回覆係“無”。上網search過，得e bay至有迪布尼。

日本街景，配上HONDA Super Cub C125，頓現休閒風~

第一站係去AVIREX睇衫，以前係ICE FIRE都有買呢個Brand，可惜啲款無咩特別。同上次人家去既中大姊妹團幫我買既差唔多，所以空手而回，反而係門外既電單車停車場見到唔少舊款羊。

下一站係去睇日本家品，市道不景兼北上降級消費下，香港而家比以往難買日本家品(商品選擇少咗)，今次買咗隻足球碗俾幸男兼少量碗碟。

無諗過添好運會有日本分店，日本人果然喜歡中華料理。

之後去咗行FrancFranc，買咗毛巾同可掛行李喼拉手既袋，遠望見到有火車駛至，忍住要做鐵膠。

搭鐵路到新橋站落車，之前一家三口旅行時都係月台呢個角度見過呢架蒸氣火車。

行到攰，當然要去放茶點歇腳。

嗌咗杯“椿屋特製アイス珈琲”，特別在冰塊係咖啡製，咁就唔會令咖啡愈飲得耐就愈淡味。

店員係我面前斟入咖啡，完成cake set既飲品。

上次去東京旅行既最後一日我腸抽筋，所以無去到買交通御守，今次可以補番數。

晚飯前最後既景點，就係行汽車及電單車精品店，主打當然係買衫，我既大收鑊係2件長袖+2件短袖。

晚餐係六本木既THE SUN & THE MOON Restaurant享用，入夜後既六本木好大風。

之前一家上呢度既天台望東京夜景，今晩就隔住玻璃窗望住東京鐵塔食Fine Dinning。

樣樣都細細份，精緻又好味，美景伴佳餚既兩個鐘。

人家訂枱時既安排，聲稱Anniversary，唔覺唔覺就行咗16年 。

搭鐵路番新宿，第一次見立體廣告牌，又真係幾靚既。

酒店附近熱鬧，有商場同食肆之外，仲有流動車檔，但係咩攞正牌0架呢？

呢間叫雞鬪士既，唔通係全店齋賣雞？

同六本木一樣咁大風，但照叫人家係STARBUCKS外影相。

酒店內飾新潮，雖然唔係太大，但配套好過英國既好多。