尋日行街時發現精品酒店附近有間攞奬既烘焙店，今朝我就落去早餐，目標當然係sable aus pommes同croissant。
前晚兩母子食唔晒既宵夜小食，唯有當早餐食。我同領隊一人一咖啡，望住門窗外既歐陸藍天街景。
酒店附近呢個鐵路站好有古蹟感，香港既地鐵站唔少已被翻新。
是日第一個景點就係Arc de Triomphe-凱旋門，舊年既巴黎一日遊只係隔住巴士玻璃窗影相咋。
無諗到凱旋門附近既奧運官方紀品店，有呢款吉祥物Phryges公仔扣現貨。明明行均都無，先係奧運官網訂咗，仲要俾晒錢至知送貨日子同俾錢前既預計唔同，哭。幸好精品酒店肯為我哋代收，兼郵寄番香港。
動作飛車名場地，點都要嚟張自拍~
近距離影低Arc de Triomphe既外飾，好讓之後慢慢上網爬文細味。
照睇個圖就行12個轉就上到去36.6米高既上層，見有例牌既旅遊景點紀念幣，當然乖乖就範。
1836正正係凱旋門既啟用年份，睇嚟似甩咗出嚟既真品。
註解話呢隻腳掌(另外仲有個獅頭)係外牆邊個雕像，睇嚟外面既係修復版本。
血拼精品店，每人一件經典横間長袖Tee(法國製)，再加啲濕星嘢，我就揀咗個白色底紫印花既布袋(番工用)同襟章。
上到頂層，第一件事係搵巴黎鐵塔既位置!
舉機既遊客們中，不乏扮掌持或指捏Eiffel Tower飾物。
幫人用智能電話影完合照，再拜託遊人幫我哋一家三口合照。
領隊四圍影之餘，仲話要摸吓古蹟外牆。
幸男嫌曬同熱，見到出口位就雙眼發光。SORTIE呢個法文，係我玩ACE COMBAT時學會既，睇過breifing揀完機同飛彈就"出發"。
呢張自拍照試過好多次至啱心水收貨，影完發現我隻手俾蜜蜂針咗一吓。
怕會有敏感，用筆圈出當初腫起既邊界，方便未來幾個鐘既觀察。幸男圈少一忽，要領隊補多筆兼寫上時間。
食埋粒piriton就落番樓下，再嚟一張拱門下低抄自拍。
領隊揀既呢間餐廳要等位，原本以為係遊客為主(見有中文翻譯提示貼門)，無諗到當地警察都嚟排隊，睇嚟唔會中伏喎。
呢間餐廳主打係海鮮拼盤，我哋揀個細既都有龍蝦，青口，魷魚同普通蝦。
生啤當然唔少得，但唔知係邊度既出品。
主食同配菜都上齊枱，自拍時間又到喇~
飲飽食醉，加埋粒抗敏感藥，係餐廳訓咗三個字時間......
搭單層巴士去日間最後景點，四點鬆啲就到Galeries Lafayette(老佛爺)買手信。
地下果層試咗支Hermes既男仕香水，俾完錢就上去陪領隊買包包作為旅遊團按排之小費。今次係領隊第一次了解YSL品牌，睇中咗呢款小手袋(店員姐姐話多人揀)。
買手袋有咖啡飲，令我諗起細個跟阿媽行金舖有紙包飲品飲既回憶。
頂層開放作為觀景台，再搵艾菲爾鐵塔合照。
落番去買手信，呢款小食係香港吉之島過新年時都有買過，原來一啲都唔失禮0架~
商場最高一層有個拱頂自拍區，幸男一直係坐位用iPhone打發時間。
搭鐵路重遊艾菲爾鐵塔附近既La Seine(塞納河)，今次係遊船河晚餐(20:00)。原本我哋被安排坐中間位，領隊見玻璃窗邊尚有吉枱，詢問後成功坐到靚位。
話晒係主打遊客生意，餐牌都幾多選擇，總有一款啱你口味。
領隊預訂既係貴餐(人均千四)，包一支香檳，前菜我揀咗Tuna Tataki，兩母子揀Carpaccio smoked sturgeon。
主食我同幸男點咗Roast veal fillet，領隊就揀Octopus from France。
日照長既好處，就係magic hour都會相對長咗。上年快閃巴黎一日遊係日間遊塞納河，今次係邊食邊游船河睇夜景，別有風味之餘，亦完夢。
我已經轉咗用前晚影既相，幫Flip 6整咗個新wallpaper。
望到終點附近既巴黎鐵塔，大家開始上去頂層。晚風兼零阻隔之下，去欣賞艾菲爾鐵塔。
奧運五環加持既艾菲爾鐵塔，捕捉定點閃燈一刻。記起奧運開幕禮壓軸，Celine Dion於雨中獻唱一幕。
落番去枱位享用甜品，順便努力清埋啲香檳，幸男當店小二為我倆影合照。
趁埋岸前，同領隊上多次頂層，幫人影完相就搲番張代勞合照。
點都係相機既硬實力，至可以勝任夜拍既複雜條件。可惜船身已太近岸邊，為咗就位而低抄影，未能呈現最佳比例。
今個晚餐為是次法國之旅劃上完美點綴，上咗岸都忍唔住要補影多張相。
回程坐uber番酒店，細雨下，從車廂玻璃窗細看巴黎古色浪漫街景。
比起舊年英國旅行，幸男個樣又大過咗，唔知下次一家三口去旅行會去邊呢?巴黎既治安同市容衞生，無領隊當初預期咁擔心，反而死老鼠只係波爾多街上見到。揀係奧運與殘奧之間時段到遊，睇嚟係非常明智，“Nous aimons la France”~
PS:聽日就無景點，食過早餐就會去機場，搭中午班機番香港。
