晨早起身，係酒店check out兼暫存行李，就搭鐵路去火車站。車站內既麵包舖買過早餐，無位坐之下(好多人等早班車)，唯有望住玻璃窗外既廣場景嚟立食。
食完早餐，等多半個鐘左右就可以去月台上雙層火車。
兩個鐘車程就到埗落車，嚟到波爾多。咦?點解大鐘同月台既鐘差成7個字?
車站牌下打張咭，幸男明顯高過領隊。
年青人好氣好力，被委派抬喼落樓梯。
話晒成十分鐘車程距離，我哋係車站附等UBER送我哋去酒店，趁機影吓電單車同街景。
酒店未有得check in住，唯有先寄存行李，再係櫃台落埋小食order，係lobby快食個午餐。
難得有生啤，點可以唔飲番杯?
今個下午都係要趕本地團，徒步行去區內鐵路(輕鐵)，沿路都係古建築。以風格及材質色水嚟睇，應該同呢間教堂同期。
開放式既月台，對屯門牛嚟講係親切既，不過唔係月台嘟入閘，而係上車就拍近車門位置既終端機。
車程理應順暢，落車前往集合點途中，領隊驚覺自己誤將明天既行程記錯為今日，於是要趕搵合適既列車線，兼致電local tour接頭人，話我哋會遲15分鐘左右。
上咗另一架列車，領隊再驚覺原來係無記錯今日行程，結果立即落車兼冒雨跑番去集合點。原來個團得我哋一家三口，7人車內同Paul(Guide兼司機)困獸鬥，變相又係英語會話時間。領隊唔熟紅酒，所以我既參予度超過50%。
轉眼就到咗四級酒莊Chateau Marquis De Terme Margaux，接待處飲過wellcome drink就去葡萄田參觀。一行行既葡萄藤前，有玫瑰花作土質指標。因為玫瑰花比葡萄更嬌生慣養，玫瑰花既預警，可以俾職員足夠時間去應對蟲害或其他不利條件。
職員姐姐帶我哋行近啲去望葡萄藤。
邊睇邊聽講解，細個參觀可樂廠，大個參觀紅酒廠。
跟住就入室內參觀葡萄處埋設施，相信未夠年齡飲酒既幸男會覺得悶。
俾得外人參觀，一定係避開晒收成既時間，所以大型器材都係吉既。
一望落去，眾多酒桶存放於控溫倉內熟成。我見倉內有冷氣機，於是問洋妞控溫是否依靠冷氣，答案係冷氣兼倉庫絶緣保溫建材。
話晒列級酒莊大生意，點都要確保產量，用科技方法去控制環境因素。
最後就係試酒時間，分別係副牌同正牌。
佐酒小食拼盆，得我同領隊兩個人食。
唔好以為一杯係classic既120ml，真係俾你tasting0架咋。與Paul及洋妞邊飲邊傾，例如<神之水滴>漫畫，以及用app一齊睇香港買紅酒同當地既差價。
係接待相處買咗支半枝裝既2017正牌(無2010)，留俾足18歲既幸男再一齊品嚐。
Paul話帶我哋去附近重要既酒莊望吓，其中就係Chateau Cantenac Brown(3rd Growth)。其實我久唔久都會買呢個莊既正牌飲，我覺得好過Chateau Cantenac(4th Growth)，但我同local guid講錯咗，令佢以為相反。
Iconic之選:Chateau (1st Growth)，local guide可能見我哋咁建談，仲主動問我哋飲唔飲白酒，結果一齊落車係馬路邊一齊邊飲邊傾CCP以及香港議題。幸男就邊苦飲住EVAN礦泉水，邊旁聽大人既話題。
搭番去集合點附近解散，我哋係附近既Rue Saint-Catherine行吓街。
呢個1833年建成既商場，到而家都係依舊運作。西歐對歷史文物既保育，絶對係不容置疑。
呢條巷上既遮陣好特別，久唔久會有細雨，可以為遊人擋雨，好天又可以作適度透光，集視藝與功能於一身。
人家預早訂咗Palatio既三人枱，門外有唔少食客排隊。
未揀好嘢食都要揀杯生啤(IPA)先~
睇均成個餐牌，都係得呢個CARPACCIO DI MANZO係最多蛋白質。一上枱時候，我以為得芝士同菜，原來薄片生牛肉同碟面顏色融為一體......
La fameuse pâte à la truffe-領隊之選，延續尋日晏晝既黑松露之味，幸男揀青口意粉。
又係Flip 6出場既時間，高ISO之下，表現好一般。
餐廳有兩層，上層係酒吧，去廁所時就一定會經過。環境唔錯，可惜菜單選擇較少。
