今日約咗回港探親既德輝及深居既表叔一齊食晏同睇<Deadpool & Wolverine >。原本應德輝提議去幸福小廚，去到先知逢星期一休息，臨時轉附近既越南嘢。入場時德輝驚覺係三級，我笑佢“你唔會唔夠秤喇”。
過往DEADPOOL都會用經典舊歌作主題，但今次以NSYNC既Bye Bye Bye開場，邊打邊跳當年既舞步，實在太驚喜了。自戀及口賤既DEADPOOL，與浮誇既動作，完全係零違和感。今次同狼人既合作，總比之前同啲細配角既組合好睇。雖然話係三級，但只係血漿放題同粗口横飛，絶對無德州電鋸殺人狂果種令人頭痛噁心既不適。節奏明快，笑料與動作比例恰到好處，比第一同第二集更好睇。
睇完戲就分道揚鑣，我行番去CASEtiFY攞Flip6機殼。原本落單時揀黑色，但諗諗吓都係透明底襯實色線好睇啲。
PS:食晏前去咗YOHO既SAMSUNG專門店trade in舊機Flip 5，店員搣走芒貼check機時一額汗，因為早兩日P臨收工時甩手，Flip 5內屏幕撞到少少枱邊位。好在只係芒貼花，內屏幕無受損，順利收番$3000(無被壓價)，變相補5千幾就有部新Flip 6。
