十四個鐘頭機，朝早七點左右係戴高樂機場(Aéroport Paris-Charles-de-Gaulle)落機，出關無舊年英國果次等咁耐。機場比香港機場細(可能因為巴黎有3個機場支援)，好快就出到去等攞行李。
領隊約咗Klook既機場接送，司機用法文send短訊，我就幫手用Flip6作即時翻譯。由於Benz尾箱塞唔入3個大喼，結果要用埋副坐駕位。
法國果然係環保大國，車程無開冷氣，全程自然對流風。交通燈柱有較低高度既模組，方便司機係側窗窺望，唔似香港司機要望較遠方既橫掛高燈。
10點唔夠就到埗，落車位超近酒店，只係喼轆行碎右磚路有啲簸動。舊年英國旅行既Hilton Wembley就無得早check in，今次係巴黎就另一個世界，一團人唔不再流離失所。
放低行李，大家都可以梳洗吓，沖走倦意。酒店樓下就係地鐵站，不過我哋係行去搵心儀餐廳。漫步巴黎?其實都趕時間，因為午飯後有本地團景點。雖然奧運剛完結，但宣傳仍四處可見。老毛病，一見到電單車都會駐足舉機作紀錄。行咗十幾分鐘就呢間領隊預訂既餐廳，先嚟杯法式啤酒。之前係香港試買過法國品牌啤酒，但都只得1664啱飲，呢款如果香港有得買既話，都會納入house beer。Menu上既肉類唔多，我揀咗Beef Tataki With Truffle。幸男之選:Tagliatelle Pasta With Truffle。領隊之選:Mushrooms Raviolis With Truffle。嗌咗個沙律Tomato And Truffle Gazpacho，但上錯咗Pecorino & Arugula，無諗過我食到羊奶芝士。跟我個他他牛既配菜烤薯。Tiramitrufe The Original，我同領隊食得開心。想埋單都要苦等侍應生同你有眼神接觸，因為直接出去會被視為不禮貌，大家朝住呢個方向望咗好耐。馬路上有彩色塗鴉，唔係寫乜呢？無諗到舊建築外牆上有日本動畫巨靈神既Zigom Art。歷史建築外牆上都掛上奧運宣傳，唔知會唔係其中一個比賽場館呢?37度下既烈日當空，15分鐘既路程非常難捱，中途兩母子要去買雪糕食，我就要用REON POCKET嚟降溫。雖然曬到眼都擘唔大，但街道上又真係無人擔遮，所以我都無開把縮骨遮。我哋要先去羅浮宮對開既Arc de Triomphe du Carrousel會合本地團。倒玻璃金字塔，吸引唔少遊客駐足打咭。Flip6成像無A7iii咁好，但都要嚟番張自拍趁熱鬧。
跟住十幾人既鴨仔團入場邊跟邊影相，唔太多時間可以試啱色溫（室內自然採光）本地團第一個兼唯一既check point，就係去排隊睇蒙娜麗莎真跡。自少從電視報導，歷史書，以及電影睇到蒙娜麗莎，今次卒之可以親眼一睹神秘的笑容-世界一百幅名畫之一既鉅作。排咗半個鐘左右至行到去最前排，幾俗氣都要自拍打咭。
望番後面既闊隊尾，別有一番景像。
"天花板"潮語，古代歐洲藝術已經有實體。兩母子安坐於名畫兩之間，情景令我念起007其中一幕情報通知既畫面。即使係一道門，都係工藝，文化及歷史既載體。路易14既畫像，我係UNIQLO買既羅浮宮T恤都有佢既插畫。古代藝術好多時都係宗教主題，畢竟古人每天都面對宗教，就如打獵工作一般日常。呢幅盔甲實在靚到好似打機既款色，相信係擺設多過係實戰用，跌一跌低就無咁忽壓花。領隊一心想睇既拿破崙展館暫停對外開放，大家都覺得可惜，話晒我哋都有入戲院睇拿破崙齣電影嘛。行到又熱又攰，去咗地庫既星巴克飲凍飲兼坐吓 ，我揀既Crème Brulée Iced Brown Sugar Oat Shaken Espresso又幾好飲，但相信熱量一家唔低。 搭地鐵先番去酒店小休，再出發去食晚餐，幸男頂唔住到要訓貓仔覺(時差?)。就近車站真係無得輸，輕鬆走落去月台等車。話晒係法文，領隊出站前都要望清楚邊個出口至係最近。呢個位於Gare de Lyon火車站既百年餐廳，就係我哋今晚用餐既地方-Le Train Bleu。 餐廳位於二樓，我哋要行樓梯上去。門口接等處等知領隊以Christine名留枱，笑住咁話淨睇個名以為係"one of us"(法國人)，但眼見既係遊客樣。37度之下，餐廳無冷氣，好似乾蒸桑拿房咁。Fine Dinning既前菜，幸男唔啱食，變相我食雙份。冰凍生啤，好快就無咗飲落去既快意......再多既凍飲都唔夠飲......熱到就嚟中暑既幸男強顏合照。其實呢間餐廳歷史悠久，內飾瑰麗，唔少foodie都有介紹。只可惜溫度太熱(職員都要自己撥扇)，令美食體驗大打折扣。我同幸男都揀咗龍蝦做主菜，但幸男話嫲嫲(煮)既海蝦都大隻過佢......味道係唔錯既，但龍蝦可以double份量就好了。領隊揀既鱸魚，份量都係精緻。 一家三口開動前自拍，雖然構圖夠靚，但flip 6廣角鏡得12MP，兼且熱到好似夏天食大排檔咁。上菜速度唔算慢，但大家都一心快啲離開呢個美食熱點，所以甜品都無嗌就埋單走人。
PS:熱到幸男懵既餐廳，原來係Mr. Bean's Holiday場景之一既餐廳。
