朝早落街去麵包舖買早餐，畢竟早餐食店無咁早開之餘，亦無咩啱食。
15分鐘去到目的地車站，係月台食早餐。
集合地點係Cité du Vin-紅酒博物館，但我哋唔係入去參觀，而係去右岸既酒莊Chateau Coutet。
大半個鐘車程就到達，今次團友7名香港x3+南韓人x2+美國人x2+塞浦路斯x1。
尋日去左岸，今日就係右岸參觀酒莊。
女職員講解時，有隻黑貓亂入，睇嚟佢係負責人巡察既駐莊職員。
之前仲怪領隊好連續兩日都睇酒莊，但今日呢個家族細莊，又真係同尋日既現代化列級莊好唔同。
呢度無冷氣，職員話咁多代都係保持位呢個微生物環境釀製紅酒，所以唔會刻意打掃。我反而喜歡呢度既傳統風格，而且仲攞埋認證係Agriculture Biologique，無農藥兼有機。
跟住就係可以入去莊主既珍藏區，57年前既酒都有。
有別餐廳酒店，珍藏係唔需要電子紅酒櫃，只需放係天然酒窖。
最後既環節當然係試酒，團友們一齊坐，先試副牌再試正牌。
同左岸酒莊一樣，都係少少哋俾訪客淺嚐。
我哋試完酒，就買咗支正牌作收藏，等幸男成年可以一齊飲。
尋日試酒會後，係附近遠望多幾間酒莊，今日就去咗Saint Emilion小鎮行吓。當地導遊先帶我哋去咗一間歷史悠久既傳統古法Macaron店行吓。導遊買咗一盒俾每人分一塊試食吓，味道好似普通餅食。
.JPG)
木呢段路斜都不特止，仲要係唔平既石路，一唔小心就失足(諗起北海道雪斜路連環跌單嘢)。
領隊好擔心唔係呢度集合，但我同幸男都覺得係，直到見到有團友相繼出現，領隊至放心。
番到Rue Saint-Catherine，已經過咗午餐時間，餐廳一係落場休息，一係就坐滿客人(唔會催交枱嘛)，結果去咗食老麥。我係樓上霸位，兩母子係樓下襟機兼等餐，無諗到薯條係用重用膠兜裝住。
今日比尋日更頻密落雨(果然係靠天然雨水嚟灌溉葡萄園)，我哋都係逛吓商場。
行番去市內鐵路附近既Le miroir d' eau(水鏡廣場)，有唔少小朋友係有備而來玩水。既然唔可以影官圖既倒影，轉影小朋友既童真及水花。
官方既相片，我諗真係要夜晚無人時至影到，唯有自拍打張咭。
幸男行路時成日都低耷個頭，好難至影到張無咁頹既街道抓拍。
未夠鐘食晚飯，所以番上去酒店房hea吓先。Lobby行樓梯上一層，入到房有廁所浴室同小開放式廚房，有枱有梳化同電視。幸男就訓其中一張梳化床，我同領隊就要行上多一層閣樓訓雙人床。
領隊訂定19:30枱，一心早食完，就早啲番酒店HEA，點知店員話要半個鐘至開門，因佢哋都未ready兼未食嘢。
我俾領隊睇FLIP 6螢幕上既標提"早到比遲到更令人困擾"，結果大家係附近輕鐵月台閒坐半個鐘。
