接幸男機

十一日既遊學團話咁快就過，送機果日係Sleeping，今日接機都係攰吓攰吓，好在幸男班機係傍晚六點二。

班機五點幾就到達，提早上演母子重逢，無穿無爛，攬吓先～

行去機場酒店附既中菜館途中，幸男電話響，原來佢攞錯人哋同款既喼， 仲等幸男當初胡亂回應媽媽無咗條喼帶既理由。失意既喼主見行李帶上只剩一個同款既喼，所以打行李喼牌上既電話。交換番個喼，好在對方都唔係無禮貌之人。

無揀接機套餐，我哋全部散嗌，先上個冬瓜盎。

紅軒脆皮雞，雖然簡單，但真係夠脆皮。

仲以為幸男日日食西餐，但原來佢都有1/3既外出用膳係中餐，兼且無鋸過一次扒。

日本尖椒磨菇炒和牛，都有啲辣勁，無諗過呢度啲嘢食比平時既酒樓好得多。